सुपरस्टार जादूगार आणि इल्युजनिस्ट बीएस रेड्डी लाईव्ह शो व्दारा प्रेक्षकांच्या भेटीस

सुपरस्टार जादूगार आणि इल्युजनिस्ट बीएस रेड्डी लाईव्ह शो व्दारा प्रेक्षकांच्या भेटीस

by Santosh Jadhav
Sep 08, 2022

(नवी मुंबई) निलनीस इव्हेंट्स अँड प्रमोशनतर्फे ऑस्कर ऑफ मॅजिक चे विजेते आणि इंडियाज गॉट टॅलेंट शो फायनलिस्ट सुपरस्टार मॅजिशियन आणि इल्युजनिस्ट बीएस रेड्डीजचे नवी मुंबई, ठाणे, मुंबई, पनवेल आणि महाराष्ट्रातील इतर शहरांमध्ये लवकरच आयोजन करण्यात येणार आहे. महाराष्ट्रात प्रथमच लाईव्ह शो च्या माध्यमातून प्रेक्षकांच्या भेटीस येणार आहेत. या बाबत अधिक माहिती देण्याकरिता व प्रसारमाध्यमांसोबत संवाद, फोर पॉईंट्स बाय दि शेर्टन वाशी, नवी मुंबई येथे पत्रकार परिषद आयोजित करण्यात आली.

यावेळेस बी एस रेड्डी यांनी पत्रकारांसमोर काही जादूचे प्रयोग सुद्धा सादर केले. जादू ही एक कला असून ती अबाल वृद्धांना मनोरंजन करण्यासाठी संपूर्ण जगात प्रसिद्ध आहे. टीव्ही व विविध शो द्वारा भारतातील घराघरात पोहोचलेले आता थेट प्रेक्षकांच्या भेटीस येणार आहेत. त्यांच्या शोचे आयोजन करून सामाजिक बांधिलकी जपत सामाजिक संस्थांना मदत केल्या जाणार आहे.

आगामी मॅजिक शोबद्दल अधिक माहिती देताना आयोजक निरज वर्मा (संस्थापक निलनीस इव्हेंट्स अँड प्रमोशन) यांनी पत्रकार परिषदेत सांगितले की, सुप्रसिद्ध जादूगर बी एस रेड्डी यांचे हे शो महाराष्ट्रात नव्हे तर भारतात प्रथमच प्रेक्षकांच्या भेटीस येणार आहे. या कार्यक्रमाची सुरुवात १८ नोव्हेंबर २०२२ रोजी वाशी, ठाणे, मुंबई, पुणे इत्यादी वेगवेगळ्या ठिकाणी सुरू होईल. अशोक टिकीट विक्रीतील नफ्यातून काही हिस्सा अर्पण चॅरिटेबल ट्रस्टसाठी दिला जाणार आहे. ही संस्था अनाथ आणि वृद्ध लोकांसाठी काम करते. अनेक शाळा आणि शैक्षणिक संस्था त्यांच्या विद्यार्थ्यांसाठी स्वतंत्र शो आयोजित करण्यास घेत आहे त्यामुळे विद्यार्थ्यांना सुद्धा ही जादू बघता येईल.

पत्रकार परिषदेत या शो करिता शुभेच्छा देण्याकरिता सुषमा रावत - विक्री आणि विपणन संचालक, फोर पॉईंट्स बाय दि शेर्टन वाशी, ज्योवीस आयुर्वेद चे डॉ. राज सातपुते, चित्रपट निर्माते संदिप नगराळे (व्हिएसएन फिल्म्स प्रोडक्शन), निलेश शिलू (श्रीजी ट्रॅव्हल्स सर्व्हिसेस), अमरदीप सिंग , संजीव दोशी ,फोर पॉईंट्स बाय दि शेर्टन चे मेराज अन्सारी व मान्यवर उपस्थित होते.