Breaking News
दिल्लीच्या उत्कृष्ट सरकारी शिक्षण क्रांतीचे पडसाद नवी मुंबईत
दिल्लीतील उत्कृष्ट सरकारी शिक्षण क्रांतीच्या जनक, अतीशी नवी मुंबईत
सुरत मनपा निवडणुकीत मध्ये आप ला २७ जागांची विजयश्री मिळवून देणारे आप गुजरातचे माजी अध्यक्ष नवी मुंबईत
वाशी - नवी मुंबई येथे आप महाराष्ट्र - कोकण विभागाचा भव्य कार्यकर्ता मेळावा - आप ला मेळावा
नवी मुंबई : विष्णुदास भावे नाट्यगृह येथे आप महाराष्ट्र - कोकण विभागा तर्फे नवी मुंबई, ठाणे, पनवेल, कल्याण - डोंबिवली, मीरा भायंदर, वसई - विरार, उल्हासनगर, बदलापूर - अंबरनाथ, रायगड, वांगणी इत्यादी क्षेत्रातील स्थानीय स्वराज्य संस्थांच्या अखत्यारीत येणाऱ्या सर्व क्षेत्रातील कार्यकत्यांचा भव्य मेळावा संपन्न झाला. ह्या मेळाव्यात वरील सर्वच क्षेत्रातील सामान्य नागरिकांनी मोठ्या प्रमाणावर हजेरी लावली होती. ह्या मेळाव्याचे आयोजक आणि यजमान आप नवी मुंबई कार्यकारी अध्यक्ष ह्यांची टीम आप नवी मुंबई असल्याने, आप नवी मुंबईच्या कार्यकर्त्यांमध्ये विशेष उत्साह होता. पाहुण्यांचे स्वागत, खास मराठी तुतारीने करण्यात आले.
ह्या मेळाव्यातुन आप राष्ट्रीय कार्यकारणी, तसेच महाराष्ट्र कार्यकारणीचे सदस्य ह्यांनी,आज सामान्य माणसांना भेडसावणाऱ्या विविध जनताभिमुख विषयांवर, कार्यकर्त्यांना मार्गदर्शन केले. ह्या मध्ये, सरकारी शिक्षण आणि स्वास्थ व्यवस्था, माहिती अधिकार, सामाजिक न्याय , सरकारी निमसरकारी उद्योगाच्या खाजगीकरणाचा चालू झालेला अतिरेक, नागरी सुरक्षा, कामगार आणि शेतकरी समस्या असे विविध विषयांवर मार्गदर्शन केले.
ह्या कार्यक्रमासाठी प्रमुख पाहुणे म्हणून आलेल्या, दिल्लीच्या आमदार आणि दिल्लीचे उपमुख्यमंत्री मनीष सिसोदिया ह्यांच्या शिक्षण प्रणाली सल्लागार म्हणून काम करून दिल्ली मधील मोफत सरकारी शिक्षण व्यवस्थेमध्ये क्रांतिकारक बदल घडविण्यात मोलाचा वाटा उचलणाऱ्या अतीशी ह्यांनी उत्कृष्ट सरकारी शिक्षण व्यवस्था कशी असावी ह्या विषयावर मोलाचे मार्गदर्शन केले. तसेच दिल्लीचे आमदार कुलदीप कुमार ह्यांनी नुकत्याच दिल्ली मनपा मधील विजयाची यशोगाथा वर्णन केली. त्याच प्रमाणे सुरत मनपा निवडणुकीत मध्ये आपला २७ जागांची विजयश्री मिळवून देणारे आप गुजरातचे माजी अध्यक्ष आणि नुकतेच महाराष्ट्र सहप्रभारी म्हणून नियुक्त झालेले आप गुजरातचे तरुण आणि तडफदार नेते गोपाळ इटालिया ह्यांनी सुरत विजयाची यशोगाथा ऐकवली.
उत्कृष्ट वक्ते, ग्रामीण नेतृत्व आणि आप महाराष्ट्र अध्यक्ष रंगा राचुरे ह्यांनी देखील, आपल्या खुसखुशीत शैलीतील भाषणात कार्यकर्त्यांना कानपिचक्या देत, संघटनेचे महत्व समजवून सांगितले.
याशिवाय या मेळाव्याला आप महाराष्ट्र कार्यकारिणीचे महाराष्ट्र प्रभारी दीपक सिंघला, महादेव नाईक - महाराष्ट्राचे मुख्य निवडणूक अधिकारी, प्रीती मेनन - राष्ट्रीय प्रवक्त्या, राष्ट्रीय कार्यकारिणी सदस्य, किशोर माध्यम- उपाध्यक्ष - महाराष्ट्र, धनराज वंजारी- उपाध्यक्ष महाराष्ट्र, हरिभाऊ राठोड - उपाध्यक्ष - महाराष्ट्र, धनंजय शिंदे - सचिव - महाराष्ट्र, डॉ. फैजी - राज्य समिती सदस्य, कुसुमाकर कौशिक - प्रदेश समिती सदस्य, विजय कुंबर- केंद्रीय मंत्री, डॉ. संतोष करमरकर- समन्वयक आरोग्य ह्यांची पण उपस्थिती होती.
रिपोर्टर