Saptahik Kokan Samana - स्वच्छ भारत रंगरंगोटीसह नवी मुंबई करांना सामाजिक सुविधा पुरविणे

स्वच्छ भारत रंगरंगोटीसह नवी मुंबई करांना सामाजिक सुविधा पुरविणे - सोमनाथ वास्कर

by Santosh Jadhav
Jan 16, 2023

स्वच्छ भारत रंगरंगोटीसह नवी मुंबई करांना सामाजिक सुविधा पुरविणे - सोमनाथ वास्कर

नवी मुंबई : नवी मुंबई महनगरपालिकेच्या माध्यमातुन स्वच्छ भारत स्पर्धेत नावलौकिक मिळावे याकरिता शेकडो कोटीच्या निविदा काढ़ुन भिंती रंगविण्याचे काम सध्या प्रगतीपथावर आहे . दरवर्षी आपण या उपक्रमाच्या निमित्ताने शेकडो कोटी रूपयांचा चुराडा करत असुन, नवी मुंबई महानगरपालिका करदात्यांची लुटमार होत असल्याचे सर्वसामान्य नागरिक आत्ता बोलु लागले आहेत.

आपली नवी मुंबई खुप सुंदर आणि नियोजित आहे. देशपातळीवर नावलौकिक होण्यासाठी आपण या स्पर्धेत सहभागी झालेच पाहिजे हयात काहीच वावग नाही . परंतु आपल्या स्वतः च्या मालकीच धरण असुन, हि आम्हा नवी मुंबईकर नागरीकांना पिण्याचे पाणी मिळावे याकरिता रात्र रात्र जागता पहारा द्यावा लागतो . याकरिता हि काही उपाययोजना केलीत तर बर होईल. आम्ही फार मोठया अपेक्षेने आमच्या मुलांचे प्रवेश नवी मुंबई महानगरपालिका शाळेत घेतले. परंतु आपल्या शाळेत शिक्षकच नसल्याने आमच्या मुलांच्या बौद्धिक क्षमतेची आत्ता आम्हांस चिंता वाटु लागली आहे . त्यामुळे शिक्षक भरती कधी करणार हे हि ज़ाहिर करा. आणि हो, आमच्या आरोग्याचा विचार केला तर ज्यावेळी आम्ही आमच्या आजारावरील उपचारार्थ मनपा रुग्णालयात दाखल होतो, तेव्हा कितीतरी गंभीर आजारावर तज्ञ डॉक्टर नसल्याचे व अमुक अमुक औषध येथे उपलब्ध नाहीत हे जेव्हा आम्हांस सांगण्यात येथे त्यामुळे आम्हाला भरमसाठ पैसे मोजुन खासगी रुग्णालयाची वाट धरावी लागते हयाचा हि कधी तरी विचार करावा.

आपल्या रुग्णालयात पोस्ट मार्टमसाठी लागणारे ब्लेड व अन्य साहित्यांचा अभाव आहे हि किती शोंकातिका आहे.

नवी मुंबई स्वच्छ कराच पण आपल्या अधिकारी वर्गासोबत कंत्राटी कामगारांना हि शिस्त लावा कारण माझी नवी मुंबई स्वच्छ फक्त दिखाव्या पुरती स्वच्छ न ठेवता क़ायम वर्षभर कशी स्वच्छ राहील यासाठी प्रयत्न करा . त्यासाठी त्यांना त्यांच्या जबाबदारीची जाणिव करून द्यावी अशी मागणी माजी नगरसेवक सोमनाथ वास्कर यांनी केली आहे.