Breaking News
सिरम इन्स्टिट्यूट ब्रिटनमध्ये लस तयार करणार; २५०० कोटींची गुंतवणूक!
विकास बनपट्टे
जगातील प्रमुख लस उत्पादक असलेली सिरम इन्स्टिट्यूट ऑफ इंडिया कंपनी आता ब्रिटनमध्येही लस उत्पादन सुरू करणार आहे. त्यासाठी २५०० कोटींची गुंतवणूक करणार आहे. ब्रिटनचे पंतप्रधान बोरिस जॉन्सन यांनी याबाबतची माहिती दिली. भारताचे पंतप्रधान नरेंद्र मोदी यांच्यासोबत जॉन्सन यांची आज, मंगळवारी व्हर्चुअल बैठक पार पडणार आहे. त्यापूर्वीच जॉन्सन यांनी ही घोषणा केली.
सिरम इन्स्टिट्यूट ऑफ इंडिया ब्रिटीश पंतप्रधान जॉन्सन यांच्या कार्यालयाने म्हटले की, हा प्रकल्प २४० दशलक्ष पौंडचा (२४६० कोटी रुपये) असून यामध्ये क्लिनिकल चाचणी, संशोधन आणि लस निर्मितीचा समावेश आहे.
सिरम इन्स्टिट्यूट जगातील सर्वात मोठी लस कंपनी आहे. सिरम इन्स्टिट्यूटकडून विविध आजरांवरील लशीचे उत्पादन केले जाते. ऑक्सफर्ड विद्यापीठ- एस्ट्राजेनकाच्या करोना लशीचे उत्पादन सिरमकडून करण्यात येत आहे.
सिरम इन्स्टिट्यूटने करोनाच्या आजारावर मात करणाऱ्या एक डोसच्या नेजल लशीचे पहिल्या टप्प्यातील चाचणी सुरू केली आहे. सिरम इन्स्टिट्यूटची हा प्रकल्प भारतासोबत केलेल्या एक अब्ज डॉलरच्या व्यापार कराराचा भाग आहे. यातून जवळपास सहा हजार ५०० जणांना नोकरी उपलब्ध होऊ शकतात.
सिरम इन्स्टिट्यूटकडून दर महिन्याला करोना लशीचे सहा ते सात कोटी डोस उत्पादित करण्यात येतात. सध्या कंपनीकडून जुलै महिन्यापर्यत १० कोटी डोस निर्मितीचे उद्दिष्ट ठेवण्यात आले आहे.
रिपोर्टर