नेरुळच्या कार्थिका नायर बनली नॅशनल गर्ल टॉपर

नेरुळच्या कार्थिका नायर बनली नॅशनल गर्ल टॉपर

by Santosh Jadhav
Nov 05, 2021

नवी मुंबई : राष्ट्रीय पात्रता परीक्षा म्हणजेच नॅशनल एलिजिबिलिटी टेस्ट यूजी २०२१ परीक्षा (एनईईटी) १२ सप्टेंबरला घेण्यात आली. या परिक्षेत नेरुळमधील रहिवासी आणि आकाश इन्स्टिट्यूटची विद्यार्थीनी कार्थिका जी नायर हिने एनईईटी युजी परिक्षेमध्ये ७२० पैकी ७२० गुण मिळवत बाजी मारली आहे. कार्थिका हिने भारतातून टॉप विद्यार्थींनीचा मान मिळवला आहे.

राष्ट्रीय पात्रता परीक्षेचा निकाल आज जाहिर करण्यात आला आहे. या वर्षी देशभरातून एकूण १६ लाख विद्यार्थ्यानी वैद्यकीय अभ्यासक्रमांच्या प्रवेशासाठी एनईईटी युजी परिक्षा दिली. यात तेलंगणातील मृणाल कुटेरी, दिल्लीतील तन्मय गुप्ता आणि महाराष्ट्राच्या नवी मुंबईतील कार्थिका जी नायर यांनी यंदाच्या वैद्यकीय प्रवेश परीक्षेत अव्वल स्थान पटकावले आहे.

कार्थिकाकडे कधीही प्लान बी तयार नव्हता. एनईईटी परीक्षा उत्तीर्ण न झाल्यास काय या पर्यायाचा विचारच तिने केला नव्हता. आकाश तर्फे घेण्यात आलेल्या पहिल्या मॉक एनईईटी परीक्षेत तिने ७२० पैकी ६९० गुणांची बाजी मारली. तिचा आत्मविश्वास वाढल्याने उद्दिष्ट गाठणे सोपे झाल्याचे ती मान्य करते. मात्र तिला गणित कठीण वाटत आणि गणिताशिवाय भौतिकशास्त्र पूर्ण होऊ शकत नाही. मी क्षुल्लक चुका करायचे. परिघाच्या जागी त्रिज्या वाचायचे, तिने चुका बोलून दाखवल्या. तिला काही धडे (रोटेशन मोशन आणि सेमीकंडक्टर) समजून घेण्यात अडथळे येत. वर्गात झालेल्या परीक्षेत भौतिक शास्त्रात कार्थिकाला १८० पैकी १०० गुण मिळाले आणि तिचा आत्मविश्वास दुणावला. त्यानंतर तिला चुकांच्या विश्लेषणाची (एरर एनालिसिस) जाणीव झाली. आपण अपयशाचा विचार करत बसलो तर चांगले गुण मिळवू शकणार नाही असे पालकांनी मला समजावले. मी निराश झाल्यास केलेल्या चुकांची पुनरावृत्ती होईल याची जाणीव त्यांनी मला करून दिली. मी एका दुष्ट चक्रात अडकेन असेही त्यांनी मला सांगितले. आपल्या चुका समजून घेऊन त्या पुन्हा होऊ न देण्याकडे कल ठेवण्याचा सल्ला पालकांनी मला दिला. अशी माहिती कार्थिकाने आठवून सांगितली.

कार्थिकाने यशाबदल कौतुक करीत आकाश एज्युकेशनल सर्व्हिसेस लिमिटेडचे व्यवस्थापकीय संचालक आकाश चौधरी म्हणाले की, स्पर्धा परीक्षांमध्ये सोप्या आणि थेट रणनीतींचा कायमच फायदा होतो. भौतिकशास्त्राचा फार बाऊ न बाळगल्याने मला कार्थिकाने प्राप्त केलेल्या यशाचा आनंद वाटतो. तिने चुका समजून घेण्यासाठी पाऊल पुढे उचलले आणि त्या दूर करण्यासाठी वचनबद्धता पाळली. आमच्या शिक्षकांनी तिच्या चुका ओळखण्यात महत्त्वाची भूमिका बजावली आणि तिला चुका दूर करण्यात मदत करण्यासाठी विशेष प्रयत्न केले हे लक्षात घेणे आनंददायक आहे.