राज्यसभा निवडणुकीची तारीख जाहीर ; सहा राज्यातील ५७ जागावर होणार निवडणूक

राज्यसभा निवडणुकीची तारीख जाहीर ; सहा राज्यातील ५७ जागावर होणार निवडणूक

by Santosh Jadhav
May 12, 2022

दिल्ली : राज्यसभेच्या ५७ जागांसाठी १० जून रोजी निवडणूक होणार असल्याची घोषणा निवडणूक आयोगाने गुरुवारी केली.

१५ राज्यांमधून निवडून आलेल्या राज्य सभेच्या ५७ सदस्यांचा कार्यकाळ जून-ऑगस्ट २०२२ दरम्यान संपणार आहे. १० जून रोजी निवडणूक होणार असून, त्याच दिवशी मतमोजणी होणार आहे.

१५ राज्यांमध्ये असलेल्या राज्यसभेच्या ५७ जागांसाठी १० जून रोजी निवडणूक होणार आहे. सर्वाधिक ११ जागा उत्तर प्रदेशात आहेत. त्यापाठोपाठ महाराष्ट्र आणि तामिळनाडूचा क्रमांक लागतो. प्रत्येक राज्यात प्रत्येकी सहा जागांसाठी निवडणूक होत आहेत. आंध्र प्रदेश, तेलंगणा, छत्तीसगड, मध्य प्रदेश, कर्नाटक, ओडिशा, पंजाब, राजस्थान, उत्तराखंड, बिहार, झारखंड आणि हरियाणा या राज्यांमध्येही निवडणुका होणार आहेत. त्यामुळे आता पुन्हा एकदा देशभरात राजकीय घुसळन होणार हे निश्चित.

दरम्यान, गेल्या महिन्यात, द्वैवार्षिक निवडणुकांनंतर संसदेच्या वरच्या सभागृहात भाजपने १०० चा आकडा पार केला.