Breaking News
९२ नगरपालिकांच्या निवडणुकांचं बिगूल वाजलं, राज्य निवडणूक आयोगाची घोषणा
मुंबई : महाराष्ट्रातील नगरपरिषद आणि नगरपंचायत निवडणुकांचा कार्यक्रम जाहीर करण्यात आला आहे. १७ जिल्ह्यातील ९२ नगरपालिकांच्या निवडणुका जाहीर करण्यात आल्या आहेत.
सातारा जिल्ह्यातील कराड, फलटण म्हसवड, रहिमतपूर, वाई या ५ नगरपालिकाचा समावेश आहे. तसेच राज्यातील पुणे, सातारा, सांगली, सोलापूर, कोल्हापूर, नाशिक, धुळे, नंदुरबार, जळगावस अहमदनगर, औरंगाबाद, जालना बीड, उस्मानाबाद, लातूर, अमरावती आणि बुलढाणा जिल्ह्यातील ९२ नगरपरिषदाचा समावेश आहे. तर अहमदनगर जिल्ह्यातील नेवासा, पुणे जिल्ह्यातील मंचर (नवनिर्मित), माळेगाव (बुद्रुक) आणि सोलापूर जिल्हयातील अनगर या नगरपंचायतीचा समावेश आहे.
ओबीसी राजकीय आरक्षणाचा प्रश्न प्रलंबित असल्यानं राज्यातील जनतेचं निवडणुका कधी जाहीर होणार याकडे लक्ष लागलं होतं. अखेर निवडणूक आयोगानं ९२ नगरपालिकांची निवडणूक जाहीर केली आहे. आता १८ ऑगस्ट रोजी मतदानाची प्रक्रिया पार पडेल आणि त्यानंतर १९ ऑगस्ट रोजी निकाल जाहीर करण्यात येईल. १७ जिल्ह्यातील कमी पाऊस पडणाऱ्या नगरपालिका क्षेत्रांमध्ये निवडणूक पार पडणार आहे.
निवडणुकीचा कार्यक्रम
जिल्हाधिकारी कार्यक्रम जाहीर करणार : २० जुलै
उमेदवारी अर्ज उपलब्ध : २२ ते २८ जुलै
अर्ज स्वीकारण्याचा कालावधी २२ ते २८ जुलै
अर्जाची छाननी : २९ जुलै
अर्ज मागे घेण्याची मुदत : ४ ऑगस्ट दुपारी ३ पर्यत
उमदेवारी अर्जावरील आक्षेप : ८ ऑगस्ट
मतदानाचा दिनांक : १८ ऑगस्ट
मतमोजणी आणि निकाल : १९ ऑगस्ट
रिपोर्टर