एफ जी नाईक महाविद्यालयात वृक्षारोपणाचा कार्यक्रम

एफ जी नाईक महाविद्यालयात वृक्षारोपणाचा कार्यक्रम

by Santosh Jadhav
Jul 09, 2024

नवी मुंबई : कोपरखैरणे येथील एफ. जी. नाईक महाविद्यालयत राष्ट्रीय सेवा योजने अंतर्गत वृक्षारोपणाचा कार्यक्रम सेक्टर १४ येथील निसर्ग उद्यान येथे आयोजित करण्यात आला.

सदर कार्यक्रम प्रसंगी एफ. जी. नाईक महाविद्यालयाचे प्राचार्य श्री. प्रताप महाडिक , महाविद्यालयाचे समन्वयक डॉ. दत्तात्रय घोडके , राष्ट्रीय सेवा योजनेचे कार्यक्रम अधिकारी प्रा. प्रमोद साळुंखे व इतर शिक्षक व शिक्षकेतर कर्मचारी विद्यार्थी उपस्थित होते. तसेच सदर कार्यक्रमावेळी कोपरखैरणे येथील समाजसेविका भारती पाटील तसेच समाजसेवक सिवाचे रवी अय्यर, शशी दामोदरन , राकेश गुप्ता, अविनाश वासुदेवन,मारुती सपकाळ, बाबासाहेब गाढवे, नथू कंक आदी उपस्थित होते.

प्रास्ताविक पर भाषणात महाविद्यालयाचे प्राचार्य श्री. प्रताप महाडिक यांनी महाविद्यालयातील विविध सामाजिक उपक्रमांची माहिती देत महाविद्यालय हे सामाजिक उपक्रमांमध्ये नेहमीच अग्रेसर असून आम्ही सामाजिक बांधिलकी अशा विविध उपक्रमातून जपण्याचा सतत प्रयत्न करत असल्याचे सांगितले त्याचबरोबर पर्यावरण संवर्धन आणि पर्यावरण संरक्षण याबाबत जनजागृती किती महत्वपूर्ण आहे हे नमूद केले. तसेच वातावरणात सातत्याने बदल होत आहे त्यामुळे पर्यावरणाचा समतोल ढासळतो आहे व पर्यावरणाचा प्रश्न सर्व जगाला भेडसावत आहे पर्यावरणाचा समतोल राखण्यासाठी वृक्षारोपण व त्यांचे संवर्धन ही आजच्या काळाची मोठी गरज आहे असे प्रतिपादन केले .

सदर उपक्रमांतर्गत महाविद्यालयातील राष्ट्रीय सेवा योजनेच्या विद्यार्थ्यानी १०१ रोपांची लागवड निसर्ग उद्यान, कोपरखैरणे येथे केली.