भिवंडीत महसूल अधिकारी भूषण घोरपडेसह ११ प्रवासी अपघातात ठार

भिवंडीत महसूल अधिकारी भूषण घोरपडेसह ११ प्रवासी अपघातात ठार

by Santosh Jadhav
Apr 14, 2026

कल्याण अहिल्यानगर महामार्गावर झालेला भीषण अपघातानं संपूर्ण महाराष्ट्र हादरला आहे. काळी पिवळी इको प्रवाशांनी भरलेली सुस्साट वेगानं धावत होती. त्याच दरम्यान समोर असलेल्या सिमेंट मिक्सरवर ती जोरदार धडकली.

यामध्ये इकोचा चुराडा झाला. इको इतक्या वाइट पद्धतीनं चेपली गेली की आतमधील काही प्रवासी बाहेर फेकले गेले. तर काही प्रवासी इकोमध्ये अडकून मृत्युमुखी झाले.

महसूल अधिकाऱ्याचा मृत्यू

या भीषण अपघातात आतापर्यत ११ जणांचा मृत्यू झाल्याची माहिती मिळाली आहे. इको गाडी वेगात होती आणि ओव्हरटेक करण्याच्या नादात हा भीषण अपघात झाल्याची माहिती मिळाली आहे. मिळालेल्या प्राथमिक माहितीनुसार या अपघातात एकाच कुटुंबातील तिघांचा मृत्यू झाला तर या अपघातात भूषण घोरपडे नावाचा महसूल अधिकारी देखील मृत्युमुखी झाले आहेत. भूषण घोरपडे मुरबाडला सर्कल अधिकारी होते.