जानेवारी महिन्याचा महापालिका लोकशाही दिन संपन्न

जानेवारी महिन्याचा महापालिका लोकशाही दिन संपन्न

by Santosh Jadhav
Jan 03, 2022

जानेवारी महिन्याचा महापालिका लोकशाही दिन संपन्न

महाराष्ट्र शासन निर्देशानुसार नवी मुंबई

महानगरपालिका स्तरावर प्रत्येक महिन्याच्या पहिल्या सोमवारी नवी मुंबई महानगरपालिका मुख्यालयात

लोकशाही दिनाचे आयोजन करण्यात येते. या डिसेंबर महिन्याच्या लोकशाही दिनात अतिक्रमण विभाग विभागाशी संबंधीत २ स्विकृत निवेदनांबाबत महापालिका आयुक्त अभिजीत बांगर यांनी अर्जदार व संबंधित अधिकारी यांच्याशी संयुक्त चर्चा करुन पुढील कार्यवाहीचे निर्देश दिले.

माहे फेब्रुवारी महिन्याचा लोकशाही दिन महिन्याच्या पहिल्या सोमवारी दि. ०७ फेब्रुवारी २०२२ रोजी होणार असून अर्जदारांनी विहित नमुन्यात आपला अर्ज दोन प्रतींमध्ये दि. २१ जानेवारी २०२२ पर्यंत मा. आयुक्त, नवी मुंबई महानगरपालिका यांचे नावे 'लोकशाही दिनाकरीता अर्ज' असे दर्शनी भागी ठळकपणे नमूद करुन सादर करावयाचे आहे.

सदर अर्जात नमूद तक्रार / निवेदन हे वैयक्तिक स्वरुपाचे असावे. अर्ज एकाच विभागाशी संबंधित एकाच विषयाबाबत असावा. अर्जादाराने संबंधित विषयाबाबात याआधी विभाग कार्यालय, विभागप्रमुख स्तरावर निवेदन सादर केलेले असावे. यामध्ये - न्यायप्रविष्ट प्रकरणे, राजस्व/अपिल, सेवाविषयक - आस्थापनाविषयक बाबी याबाबातचे अर्ज स्विकारले जाणार नाहीत याची नोंद घेण्यात यावी. त्याचप्रमाणे विहित नमुन्यात नसणारे व अर्जासोबत आवश्यक त्या कागदपत्रांच्या प्रती न जोडलेले अर्ज स्विकारले जाणार नाहीत. त्याशिवाय तक्रार / निवेदन वैयक्तिक स्वरुपाचे नसेल तर तसेच यापूर्वीच अंतिम उत्तर दिलेले आहे / देण्यात येणार आहे अशा प्रकरणी पुन्हा त्याच विषयासंदर्भात केलेले अर्जही स्विकारले जाणार नाहीत याचीही नागरिकांनी नोंद घ्यावी असे सूचित करण्यात येत आहे.

लोकशाही दिनाकरीता करावयाच्या अर्जाचा विहित नमुना नागरिकांसाठी महानगरपालिका नूतन मुख्यालय इमारत, जनसंपर्क विभाग, तिसरा मजला, से. १५ ए, किल्ले गावठांण जवळ, सी.बी.डी., बेलापूर येथे विनामूल्य उपलब्ध असून नवी मुंबई महानगरपालिकेचे संकेतस्थळ Website (www.nmmc.gov.in) यावरील फॉर्मस/अर्ज सेक्शनमधून अर्ज नमुना प्रत सहजपणे डाऊनलोड करुन घेता येऊ शकते याची नागरिकांनी नोंद घ्यावी असे आवाहन करण्यात येत आहे.