एफ जी नाईक महाविद्यालयात ७३व्या प्रजासत्ताक दिनानिमित्त आंतरमहाविद्यालयीन गायन स्पर्धेचे आयोजन

एफ जी नाईक महाविद्यालयात ७३व्या प्रजासत्ताक दिनानिमित्त आंतरमहाविद्यालयीन गायन स्पर्धेचे आयोजन

by Santosh Jadhav
Jan 26, 2022

नवी मुंबई : कोपरखैरणे येथील श्रमिक शिक्षण मंडळाच्या एफ.जी.नाईक महाविद्यालयात सांस्कृतिक समिती व आय. क्यू. ए.सी. समिती यांच्या संयुक्त विद्यमाने ७३व्या प्रजासत्ताक दिनानिमित्त आंतरमहाविद्यालयीन गायन स्पर्धेचे ऑनलाईन माध्यमाद्वारे आयोजन करण्यात आले. मुंबई विद्यापीठाच्या विविध महाविद्यालतील विद्यार्थ्यांनी सदर स्पर्धेत उस्फूर्तपणे सहभाग नोंदवला व सुरेल सुरेख लयबद्ध देशभक्ती गाण्यांचे सादरीकरण करून देशाबद्दल प्रेम दर्शविले.

सदर स्पर्धेतील विजेते खालील प्रमाणे घोषित करण्यात आले.प्रथम पारितोषिक निरुरकर नायक (आर. जे. ठाकूर महाविद्यालय ठाणे), द्वितीय पारितोषिक अक्षदा घोरपडे (एफ.जी.नाईक महाविद्याल कोपरखैरणे) , तृतीय पारितोषिक सुशील शिंदे( डॉ. बाबासाहेब आंबेडकर कॉलेज चेंबूर) व तृतीय पारितोषिक ईश्वर कदम (एफ.जी.नाईक महाविद्याल कोपरखैरणे)

स्पर्धेच्या परीक्षणाची जबाबदारी श्री. संभाजी सेजल व प्रा.संगीता वास्कर यांनी पार पडली. सदर कार्यक्रम प्रसंगी एफ. जी. नाईक महाविद्यालयाचे प्राचार्य श्री प्रताप महाडिक सर यांनी सर्व विद्यार्थ्यांच्या कलात्मक कौशल्याचे कौतुक करून त्यांना पुढील यशस्वी वाटचालीस शुभेच्छा दिल्या तसेच परिक्षकांचे स्वागत केले.

सदर कार्यक्रमाचे सूत्रसंचालन सांस्कृती समिती प्रमुख प्रा. योगिता पाटील यांनी केले व आभार प्रदर्शन आय. क्यू. ए .सी. समिती प्रमुख प्रा. प्राजक्ता पाटील यांनी केले .

सदर स्पर्धेत सहभागी झालेले स्पर्धक व लाभलेले परिक्षकांचे आय. क्यू. ए .सी. समिती व सांस्कृतिक समिती तर्फे मनःपूर्वक आभार मानण्यात आले. या कार्यक्रमास महाविद्यालयाचे सर्व शिक्षक व शिक्षकेतर कर्मचारी उपस्थित होते.