सूर्यनमस्कारातून राष्ट्रवंदना

सूर्यनमस्कारातून राष्ट्रवंदना

by Santosh Jadhav
Jan 27, 2022

उरण : संपूर्ण भारतात गीता परिवारातर्फे प्रजासत्ताक दिनाचे औचित्य साधून सूर्यनमस्कार या योग व्यायाम प्रकाराचे आयोजन करण्यात आले होते. संपूर्ण भारतातून १००० ग्रुप निवडण्यात आले. त्यात उरणच्या ग्रुपचा सुद्धा समावेश असून उरण मधील योग विद्या धामचे योग शिक्षिका सुवर्णा मनिष शर्मा यांच्या मार्गदर्शनाखाली विविध शाळा महाविद्यालयामध्ये सूर्यनमस्कारांचे आयोजन करण्यात आले.

आजादी का अमृत महोत्सव या संकल्पनेतून एकवीस दिवस सलग तेरा सूर्यनमस्कार या प्रोजेक्टमध्ये लिबर्टी पार्क महिला ग्रुप ,सेंट मेरीज जेएनपीटी विद्यालय, भागुबाई चांगू पाटील विद्यालय, रोटरी स्कूल ऑफ उरण विद्यालय, नेव्ही स्कुल करंजा अशा सर्व शैक्षणिक संस्थांमधून सुमारे तीन हजार शाळकरी मुले व महिला यांनी हा संकल्प पूर्ण करून त्याबद्दलचे सर्टिफिकेट मिळवले. २६ जानेवारी ला या विशेष कार्यक्रमात आनंद नगर मधील ५० साधकांनी लाईव्ह जाऊन या कार्यक्रमात सहभाग घेऊन "सूर्यनमस्कार से राष्ट्रवंदना" ही संकल्पपूर्ती केली.

उरण तालुक्यामध्ये गीता परिवाराचे सदस्य तथा योग शिक्षिका सुवर्णा शर्मा या उरण तालुक्यातील सर्वत्र शाळा महाविद्यालयामध्ये फिरून योगाविषयी मार्गदर्शन, जनजागृती करीत आहेत.