Breaking News
टोरेंट जितो ठाणे हाफ मॅरेथॉन मध्ये एफ.जी. नाईक महाविद्यालयाच्या विद्यार्थ्यांची यशस्वी घौडदौड
नवी मुंबई : कोपरखैरणे येथील एफ.जी. नाईक महाविद्यालयाच्या प्रथम वर्ष कला शाखेचा विद्यार्थी निवास तुकाराम मोटे याने दिनांक २० मार्च २०२२ रोजी ठाणे येथे पार पडलेल्या टोरेंट जितो हाफ मॅरेथॉन स्पर्धेमध्ये भाग घेऊन पाच किलोमीटर धावण्याच्या स्पर्धेत प्रथम क्रमांक पटकाविला . या स्पर्धेसाठी जवळपास १९२० स्पर्धकांनी भाग घेतला होता त्यापैकी १२७३ स्पर्धकांनी पाच किलोमीटर स्पर्धेच्या हाफ मॅरेथॉनमध्ये भाग घेतला होता. निवास मोटे या विद्यार्थ्याने हे अंतर १७.३७ मिनिटांमध्ये यशस्वीरित्या पार करून या स्पर्धेत प्रथम क्रमांक पटकावला. त्याचा धावण्याचा वेग ३.३० मिनिट प्रति किलोमीटर एवढा होता. निवासच्या या यशाचे कौतुक श्रमिक शिक्षण मंडळाचे अध्यक्ष तसेच ऐरोली विधानसभा क्षेत्राचे माजी आमदार श्री. संदीपजी नाईक साहेब यांनी महाविद्यालयातील विद्यार्थ्यांचे कलागुण ओळखून त्यांना अधिकाधिक प्रोत्साहन तसेच सहकार्य करण्याची भूमिका महाविद्यालयाची कायमच असल्याचे सांगत महाविद्यालयातील अनेक विद्यार्थी राज्य तसेच राष्ट्रीय स्तरावर विविध स्पर्धांच्या माध्यमातून नावलौकिक करत असल्याचे स्पष्ट केले .महाविद्यालयातील विद्यार्थी क्रीडा स्पर्धा व शैक्षणिकेत्तर कार्यक्रमाबरोबरच अभ्यासातही अग्रेसर आहेत ही श्रमिक शिक्षण मंडळाची व एफ.जी.नाईक महाविद्यालयाची गुणवत्ता आहे असे मत त्यांनी व्यक्त केले. तसेच निवास याला भावी स्पर्धांसाठी शुभेच्छा देऊन महाविद्यालयाच्या वतीने सहकार्य व मदत करण्याचे आश्वासन दिले आहे . तसेच महाविद्यालयाचे प्राचार्य श्री प्रताप महाडिक सर यांनी विद्यार्थ्यांचे अभिनंदन आणि कौतुक केले . तसेच महाविद्यालयातील सर्वच विद्यार्थी तसेच शिक्षक व शिक्षकेतर कर्मचारी यांनी देखील निवासचे अभिनंदन केले.
रिपोर्टर