संस्कृती व नृत्यकला जपत सिंधु नायर आयोजित

संस्कृती व नृत्यकला जपत सिंधु नायर आयोजित "घुंगरू" या नृत्याच्या कार्यक्रमास उदंड प्रतिसाद

by Santosh Jadhav
Jun 20, 2023

संस्कृती व नृत्यकला जपत सिंधु नायर आयोजित "घुंगरू" या नृत्याच्या कार्यक्रमास उदंड प्रतिसाद

नवी मुंबई : सिंधु नायर यांच्या वतीने घुंगरू या कार्यक्रमाच्या माध्यमातून भारतीय संस्कृती व नृत्यकला सादर करण्यात आली. देशाच्या कानाकोपऱ्यातून हजारच्यावर कलाकारांनी या नृत्याच्या कार्यक्रमात आपली नृत्यकला सादर करीत सर्वांची मने जिंकली. रविवारी सिडको सभागृहात आयोजित या कार्यक्रमात दिवसभरात वेगवेगळे नृत्यप्रकार सादर करण्यात आले.

या कार्यक्रमात भरतनाट्यम, कथ्थक, ओडिसी, कुच्चिपुडी, मोहिनीअट्टम, यक्षगान या क्लासिकल नृत्यांचे सादरीकरण हे आपल्या देशाची विविधता व एकता दर्शवित होती. लोक नृत्यांमध्ये गुजराती,लेली लेमडी, तिरू अद्दकली, गोंधळ, तेलगु नृत्य, सबलपुरी,कश्मिरी आणि महाराष्ट्राची लाडकी लावणी सादर करीत प्रेक्षकांना पाय थिरकवण्यास भाग पाडले. विशेष म्हणजे विठ्ठलाची वारी सादर करण्यात आली व साक्षात पंढरपूरचे स्वरूप सभागृहास प्राप्त झाले. प्रेक्षकाने गच्च भरलेल्या सभागृहात कलाकारांना स्टॅंडिंग ओव्होशन देण्यात आले. याचबरोबर बॉलीवूड डान्स, सेमी क्लासिकल,कंटेम्पररी फ्युजन व इतर नृत्यप्रकार सादर झाले. या कार्यक्रमास आपले नृत्य सादर करण्याकरिता सुरत, नागपूर, अहमदाबाद, चंदीगड व इतर राज्यातील कलाकार घुंगरू मध्ये सहभागी झाले होते.

या कार्यक्रमाला नामवंत मान्यवरांनी आपली हजेरी लावत शुभेच्छा दिल्यात ज्यामध्ये लोकनेते व आमदार गणेश नाईक, माजी आमदार संदीप नाईक, माजी खासदार व नवी मुंबईचे प्रथम महापौर डॉक्टर संजीव नाईक, माजी उपमहापौर अविनाश लाड, , माजी नगरसेविका वैशाली नाईक, नृत्यदिग्दर्शक जित सिंग, ऐडीजीपी सिआरपिएफ रनदिप दत्ता , रित्तू दत्ता, उद्योजक विशाल दत्त, उषा दत्त, लायन्स क्लबचे परमेश्वरन, रेखा गौर, विजय , सैफ सलीम सारंग, साहिल सलीम , ऑल इंडिया आर्टिस्ट असोशियन्स, इंडीयन फिल्म ॲन्ड टेलीव्हीजन कोरियोग्राफर असोशियन्स चे पदाधिकारी व इतर मान्यवर उपस्थित होते.

लोकनेते गणेश नाईक यांनी या कार्यक्रमाचे कौतुक करीत नवी मुंबईमध्ये साक्षात संपूर्ण भारताची नृत्यकला एकाच रंगमंचावर अवतरली व विविधतेत एकता बघावयास मिळाली असे सांगितले. सिंधू नायर यांच्या पाठीशी आमचे कुटुंब सदैव उभे आहेत देशाच्या कानाकोपऱ्यातील कलावंतांना एकत्रित आणून नवी मुंबईची शान वाढवली असे त्यांनी सांगितले. प्रथम महापौर व माजी खासदार डॉक्टर संजीव नाईक यांनी सांगितले की घुंगरू हा कार्यक्रम राष्ट्रीय नाही तर आंतरराष्ट्रीय पातळीवर सुद्धा आपण घेऊन जाऊ.