Breaking News
बेलापूर प्रभागात आम आदमी पक्षाची प्रचार पदयात्रा
नवी मुंबई : रविवार दिनांक १९ जून रोजी, प्रभाग ३९ चे अध्यक्ष महेश क्षीरसागर ह्यांच्या प्रभागामध्ये आम आदमी पक्षाची जनसंपर्क अभियान आणि येणाऱ्या नवी मुंबई महानगरपालिका निवडणुकीच्या प्रचाराच्या उद्देशाने, रॅली आयोजित करण्यात आली होती. ह्या प्रसंगी आप नवी मुंबई कार्यकर्त्यांची मोठ्या प्रमाणावर उपस्थिती होती.
ह्या रॅली दरम्यान टीम आप नवी मुंबई तर्फे, देशभक्तीपूर्ण घोषणा तसेच आपच्या दिल्ली आणि पंजाब मधील अती उत्कृष्ट जनताभिमुख कामाचा प्रसार करण्याच्या घोषणा देण्यात आल्या. आप पक्षाची ध्येयय धोरणे ह्यांचा प्रसार करणारी माहिती पत्रके वाटण्यात आली.
हि रॅली, सीबीडी - बेलापूर येथून चालू होऊन, प्रभाग ३९ आणि आजूबाजूच्या इतर विभागात फिरविण्यात आली. ह्या रॅलीमध्ये महेश क्षीरसागर ह्यांच्या समर्थनार्थ, आप नवी मुंबईच्या कार्यकारिणीतील, उपाध्यक्ष प्रीती शिंदेकर, मानसी पवार, मिलिंद तांबे , मुख्य मागासवर्गीय समन्वयक महेंद्र कणसे, घणसोली नोड अध्यक्ष सविता कणसे , कोपरखैरने वॉर्ड अध्यक्ष नीना जोहरी, राहुल मेहरोलिया , धनवंती बच्चन, नेरुळ वॉर्ड अध्यक्ष , युवा नेते चिन्मय गोडे, सिध्दार्थ पुजारी, अक्षदा गोसावी , वाशी वॉर्ड अध्यक्ष रोहन अब्राहाम, ऐरोली वॉर्ड अध्यक्ष गायत्री तांबे, दिघा वॉर्ड अध्यक्ष संतोष केदारे, सुनील पाटोळे ह्यांच्यासह अनेक स्थानिक तसेच दिघा, नेरुळ येथील कार्यकर्त्यांचा समावेश होता. रॅलीच्या बंदोबस्तासाठी, पोलीस खात्याने केलेल्या सहकार्यासाठी आप नवी मुंबई अध्यक्ष श्यामभाऊ कदम ह्यांनी आभार प्रदर्शन केले.
रिपोर्टर